|
Orkuskonsur |
 |
|
Hráefni:
2 dl byggmjöl
2 dl soðið Bankabygg
2 dl heilhveiti eða spelt
3 msk hveitiklíð 3 msk sólblómafræ
3 msk sesamfræ
1/2 tsk lyftiduft
1/2 tsk salt
2 msk hunang 4 msk kornolía
3 egg
4 dl súrmjólk eða ab-mjólk
Aðferð:
Blandið öllu saman og hrærið. Smyrjið deiginu fremur þykkt yfir pönnukökupönnu. Bakið við lítinn eða meðalhita. Látið skonsuna þorna að ofan áður en henni er snúið við. Setjið örlítið af olíu á pönnuna ef skonsurnar vilja festast. Það fást u.þ.b. 6 skonsur úr uppskriftinni. |
|
Brauðvélarbomba |
|
Ástarsamband bóndans og brauðvélarinnar
Hráefni:
2 msk olía
2 dl heitt vatn
2 dl volg mjólk
1 skammtur (65 ml) LGG+ blár eða grænn (má líka nota súrmjólk, jógurt eða ab-mjólk)
1 hnefi ómöluð fjallagrös
2 dl byggmjöl
1 dl sólblómafræ
1 dl sesamfræ (má vera hörfræ eða blanda)
4 dl hveiti
2 dl heilhveiti
1 dl rúgmjöl
1 dl haframjöl
1 dl rúsínur
1 msk kúmen eða 1/2 af kanel,
3 tsk þurrger.
Bæta má við 1 dl af Morgungraut Gabríels.
Aðferð:
Setjið efnin í brauðvélina að kvöldi, í sömu röð og þau eru talin upp, þannig að fjallagrösin, byggmjölið og kornið liggi í vökvanum yfir nóttina.
Bökunarstilling: Heilkornabrauð-dökkt.
Ilmurinn af bústnu, bragðgóðu og hollu brauðinu mun vekja þig að morgni.
Verði þér að góðu. |
|
Byggte |
|
Hráefni:
1 dl Bankabygg
1 msk sítrónubörkur (af lífrænt ræktaðri sítrónu)
1 kanelstöng
Aðferð:
Þetta er soðið saman í ca 1 l af vatni í minnst 15 mín.
Gott er að kæla þetta te með eplasafa. Byggið og börkinn má síðan nota í brauð eða matargerð.
Til tilbreytingar er gott að setja smá bita af ferskum engifer útí. |
|
Grænkálspönnsur |
|
|
Hráefni: 6 dl sojamjólk eða mjólk
2 egg
2 dl spelt eða heilhveiti
2 dl byggmjöl 1 1/2 tsk salt
2 msk ólífuolía
4-5 grænkálsblöð Aðferð: - grænkálið er tekið af stilknum og saxað fínt, síðan er það sett út í sjóðandi vatn og soðið í ca 5 mín, þá er það kælt og vatnið látið renna af því í sigti- nú er allt þeytt saman í pönnukökudeig og látið bíða í ca 1/2 klst og jafna sig - pönnukökurnar eru bakaðar á venjulegan hátt - gott er að nota þær sem matarpönnukökur eða bara. |
|
Indverskt Naan-brauð úr byggmjöli |
|
|
Hráefni: 200 gr byggmjöl
250 gr hveiti
1 dós hrein jógúrt
1 msk hrásykur 1/2 msk salt
2 msk sesamfræ og 50 gr þurrger (eða 5 tsk lyftiduft, t.d. vínsteinslyftidyft sem fæst í heilsubúðum) Aðferð:
Leysið þurrgerið upp í 1 dl af vatni. Hrærið öllu hráefninu saman. Hnoðið deigið og rúllið því í lengju og skerið í 2 cm þykkar sneiðar. Fletjið í 1/2 cm þykkar sneiðar og steikið á pönnu eins og klatta. Berið fram með íslensku smjöri. |
|
Byggbrauð / byggbollur með geri |
|
Hráefni:
1 dl byggmjöl
1 dl soðið Bankabygg
3 dl hveiti
1 dl heilhveiti
1/2 dl hveitiklíð
3 tsk þurrger
3 dl volg undanrenna
1 msk matarolía
1 msk sólblómafræ 1 msk sesamfræ 1 msk hörfræ
1 dl fjallagrös
1/2 dl rúsínur
Aðferð: Blandið saman þurrefnum ásamt þurrgeri (takið frá 1/2 -1 dl af hveiti til að hræra upp í deigið á eftir). Hellið olíu og undanrennu út í þurrefnin og hrærið vel með sleif (deigið má vera blautt). Stráið hveiti undir og yfir deigið og látið það lyfta sér á hlýjum stað í hálftíma. Hnoðið afgangshveitinu saman við ef þarf. Mótið lengju úr deiginu og skiptið henni í 10-12 jafnstóra bita. Mótið bollur úr bitunum og raðið á bökunarplötu. Látið deigið hefast á hlýjum stað í 15-20 mín. Penslið bollurnar með vatni eða mjólk.
Bakið í miðjum ofni við 200 C í 15 mín. (brauð í 45 mín.). Ath. ef notað er perluger er það leyst upp í 1 1/2 dl af volgu vatni í 5-10 mín og 1 1/2 dl af mjólk er síðan blandað saman við. |
|
Byggbrauð / byggbollur með lyftidufti |
|
|
Hráefni: 2 dl byggmjöl 2 dl soðið Bankabygg 2 dl heilhveiti 2 dl hveiti 1/2 dl hveitiklíð 2 msk lyftiduft 3 1/2 dl mjólk 1 msk sólblómafræ 1 msk hörfræ 1 msk sesamfræ 1 tsk kúmen 1/2 lúka fjallagrös
1/2 dl rúsínur
Aðferð: Blandið öllu saman í skál, hrærið og hnoðið deigið létt. Bætið mjöli saman við ef þarf en gætið þess að deigið verði ekki þurrt. Byggbrauð: Látið deigið í brauðform, stærð 22x8 cm, og bakið neðarlega í ofni við 200°C í 45 mín.Byggbollur: Skiptið deiginu í 16 parta. Mótið bollurnar og penslið þær með mjólk eða eggi. Bakaðar í miðjum ofni við 225°C í 15-18 mín. |
|
Magnað morgunverðarbrauð |
 |
|
|
1 bolli hveiti
1/2 bolli byggmjöl
1/2 bolli maísmjöl
1 msk lyftiduft
1 tsk kanill
1 tsk engifer
2 msk demerarasykur eða hrásykur
1 egg
1 bolli grillað zucchini í ólífuolíu (sigtið olíuna frá) eða 1 bolli rifið ferskt zucchini
1 bolli mjólk
Blandið þurrefnum saman í skál. Þeytið blautefni saman í annari skál og blandið svo varlega saman við þurrefnin.
Bakið í vel smurðu brauðformi við 200°C í ca. 30 mín. Stingið tannstöngli eða prjóni í brauðið. Það er tilbúið þegar hann kemur þurr til baka. Brauðið er gott með osti og kaffi eða te. *Vel má prófa sig áfram með byggmjölsmagnið og skipta jafnvel út hveitinu fyrir það. Í stað zucchini má nota ýmislegt fleira, t.d. eplamauk,rúsínur, grasker, þurrkaða ávexti eða fersk bláber eða hindber. |
|
|
|
|
<< Byrja < Fyrra 1 2 Næsta > Endir >>
|
|
Síða 1 af 2 |
