Móðir Jörð verður á Uppskerumarkaði Garðheima dagana 4. og 5. september.  Í boði er flest það nýjasta sem sprottið hefur upp úr jörðinni undanfarið, s.s. kartöflur, rófur, hnúðkál, grænkál, salat og steinselja.

Einnig ómótstæðileg bláberjasulta sem er það nýjasta frá Móður Jörð. 
Opið báða daga frá 11-16. 

Það voraði vel á Héraði og kornsánig hófst óvenju snemma eða í lok apríl, sáð var bæði byggi og hveiti. Mikil aukning er í ræktun grænmetis og von er á miklu úrvali þegar líður á sumarið. Eftir langt þurrkaskeið í vor fór loks að rigna nú fyrir skömmu og þá fór allt að spretta og salathausarnir tóku gleði sína á ný.

Núna er komið á markað grænkál, salat og steinselja og von á hnúðkáli von bráðar. Fyrsta sending er komin í verslanir á Egilsstöðum og á höfuðborgarsvæðinu og næsta sending kemur í verslanir í Reykjavík og nágrenni n.k. miðvikudag, 14. júlí.

Nú þegar salatið er komið er rétt að minna á Gulrófuglóna sem ásamt góðu salati er fyrirtaks meðlæti með grillsteikinni.

Gleðilegt grillsumar.

Enn ein dásemdin frá Móður Jörð hefur nú litið dagsins ljós.

Það er þunnt hrökkkex sem nefnist Hrökkvi og er í þremur bragðtegundum:

Sesam  Hrökkvi    
Kúmen Hrökkvi    
Hvannar Hrökkvi   

Hrökkvi er þunnt og stökkt hrökkkex, gott með ostum og öðru áleggi, 

t.d. Rauðrófugló og Gulrófugló frá Móður Jörð.

Hrökkvi er einnig frábært og hollt snakk beint úr pokanum.

Hrökkvi er að mestu úr trefjaríku byggmjöli sem bætir meltinguna og er góð undirstaða að heilbrigðu mataræði.

Komin er á markað ný vara frá Móður Jörð og nefnist hún Gulrófugló.

Gulrófugló er skilgetin systir Rauðrófuglóar sem fæddist fyrir síðustu jól og glóir ekki síður en hún af hollustu og ferskleika.

Gulrófugló er kraftmikil sulta með gulrófum eins og nafnið bendir til, einnig þurrkuðum ávöxtum og austurlenskum kryddum.  Gulrófur eru ríkar af C- vítamínum og við bætum þurrkuðum hvannarfræjum saman við, hollustunnar vegna.  Gulrófugló er góður bragðauki með ostum, ofan á kexið eða brauðið á morgnana. Auk þess er hún kærkomin viðbót við grillsteikina og aðra kjöt og grænmetisrétti.  Innihald: Gulrófur,  döðlur, apríkósur, sykur, eplaedik, engifer, hvannarfræ, ferskur eldpipar, krydd, salt.
Verði ykkur að góðu!

Jólatréssala Móður jarðar hefst 17. desember og stendur fram á Þorláksmessu.
Salan verður við Yggdrasil á Skólavörðustíg milli kl. 13 og 22.
Mikið úrval af stafafuru. 

Vallanestrén vinsælu eru nánast uppseld núna 21/12 og sölu hætt við Yggdrasil,  örfá tré eru eftir hjá frú Laugu Laugalæk 6.

Takk fyrir frábærar móttökur og Gleðileg Jól.